OTOČAC – Sreda je, al ni to sreda kaj sreda, to je sreda pred Sisveti. Posebna je to unda sreda jerbo se rožice prodajedu. Malu placu prekrle rožice, svi felov i svi farbov. Nema tote česa nema, od oni sitni, maći, pa sve do velički. Nu, ima i ni od plastike.
A cene, cene kaj cene. Za ne rožice ke su posađene u petnjake, cena in je od trist do pedeset kun, kako ka velička (bele, žute, crljene, rozaste, braumaste, šaropirgaste). To je nako kaj za sirotinju, za ne ki nemadu kun viška. Unda su tote ne gospocke, to zovedu aražmanima, tote su pozabadane ne skupe pafuljaste lipe kate, a to skupooooooo, nji ne kupujedu ni kima je žep šupalj, ma kakov. Jopet, more se prebrat, ima ti aražmanićev od trist kun (ma nemaš ga ča vidit) pa sve do trista kun. E to je već celi bujadnjak, borami je.
A svić, svić ima da i u šajtrogami voziš ne bi i odvezal.
I.B.