OTOČAC – Lipo vrime, borme je, pa nek kaže ča ki oće. Teplo. I ne pada, more se delat. Ča delat? Pa na zemlji, ki oće. Jerbo sadaj ni pitanje ima li se na čemu delat, van oće li ki delat. A ne će. Malo ki.
I unda ni ki ojdu pitadu se kakojdu delat po vakovoj vrućini. Listopad je, vrime po kalendaru je, za preorat i posijat ozimno žito. Al ako ga baciš uzemlju, brzo će niknut i izrast, a to unda ni dobro, smrzlad će ga istegnut i od žita niš. A ni ki ne sijedu, uni bi rado ledinu preorali. I prearadu. Preara se siću toga da brazde izmrznedu, da zemlja postane prka. A ako nema smrzladi, ča će unda izmrznut? I unda ako je teplo, kroz brazde probije trava, njiva se zarunjavi pa čij si unda. Na proliće gore neg da je nisi ni pačal.
Ma veliki su tote problemi, veliki, ča i kako. Najbolje nima ki se tin ne bavidu, nji za sve ovo glava ne boli.
I.B.