OTOČAC – Rekli da će past snig, i evo pal je. Preko noći se skotrobanil, al ni jako bubnul, već nako polako da se i ne čuje. Je sinoćke sivalo i grmilo, ča je je. I velidu ni ča miridu da ga u Otošcu palo šest centimeterov. Ni nešto, al bolje iča neg niš. A da ga je okolo rnulo puno više, u Plitvicami da ga naslagalo do kolena, negdi još i više, kako kadi. Mi smo ode u Gackoj prošli još dobro.
E sadaj, čin dvi pafuljice panedu, nestane struje. Tako je sinoćke nestala u pol Čovića, u Lešću, Sincu i Rovljanima i ni je bilo fort dok se dobro jutroske ni razdanilo. Valja mokar snig pa grančurine savilo po žicami, ki li vratar. Tako to s našon strujon, njoj smeta i laganiji vetrić, i kadaj kiša pane, sve našoj struji smeta. Naša stuja je baš pravi meterolopat.
A kad vako pane mali snižac, i ni jako studeno, marva uživa na snigu, uprav kaj vaj konj. Borami da.
I.B.