ŠVICA – Blagoslov kuć po Švici počeće u četvrtak, na sv. Telesfora (ako je iki čul za takovoga, Bože nan prosti i ne zamiri), ni rečeno odakljen kriće i u ka doba, ali valjda uitro, da kaće ako ne će uitro. Ta ne će u podne? Al, svačesa smo se mi vi godin nagljedali pa se ni ničemu čudit. A sve se čini da će po blagoslovu ić pop Ante Luketić, konda Boga vidiš, njega su napenalili. Već un danima branca po Vratniku, Crnon Kalu, Brlogu, Dubravi, Klancu, taman će za tri dana smirit i Konpolje i unda mu se smije Švica, Liplje i Crno Jezero. Brzo un to, morda bi bilo mudrije da to dela sporije, jerbo mu moredu utovarit još ko selo, pa će ispast da će pop Ante sam blagoslovit sam pol Otočkoga dekanata. Ni njemu to muka, ča je je, al jopet, jopet.
A morada i ne će, morda će kaj drugi pop, čuće se vi dani, valjda.
M.K.