OTOČAC – Danaske sreda, Bože nan prosti konda ni ni. Dodrljali vi dogonski ocvakudaj svu silu rožić, pa pelcerov, naprli uni i s paradajzelima i paprikami. Pa kuš s paradajzima i paprikami, a kod nas još mrazi tučedu?
I ča bi se ka baba i prevarila i ča zela, skupo sve kaj pateka. More se reć da duplo skuplje. To valjda siću skupe nafte, skupe struje, skupe vode, skupoga mesa, pa i uni digli cene. Moreš cenit koliko oš, al euro vragu oči koplje.
I još k tomu kišovito, ma i proledeno, ča bi naša baba Julka rekla – kiša razbila placu. Pa ti prodaj, ma i kupi.
A narod, narod se sobistil, naučil se sve kupovat, nema više da je u staroj staroj čerapi sime od paradajzle, u drugoj od komorov, pa od merlina i sve tako redon. Ne isplati se! Kupićemo. Eto sadaj na, pa kupi ako si kapac.
Došal vrag po svoje, veli edna nako štanja gospa da i neka je. Morda žena dobro i veli. I još domiće: - I kasno je!
Uprla nan gospošćina pod rep pa se sadaj čudimo svemu kaj tuka govnu, da prostite.
I.B.