Imaš zanimljivu vijest i želiš je podijeliti s nama?
KONPOLJE – Prvu nedilju je bila prva pričest, a vu nedilju biće berma. U subotu u 11 uri. Ča bi narod rekal: nedilja za nediljon. A čaš, to je vrime od pričesti i od berme. Da se to obavi, pa kudaj koji mili moji.
Bermaće se šest bermanikov, e sadaj ne znamo koliko iz Konpolja, koliko iz Brloga, ali biće sve u vrpu. Biškupa ne će bit, un je u Sincu na bermi, pa kad nema cure dobra je i baba, bermaće generalni vikar Marinko Miličević. I to je nešto, vikar je man za biškupon, drugi po redu pa se ne more reć da je na bermu turnulo tamo nekoga.
M.K.