ŠVICA – Eto Ivanje, a ve godine u Švici će bit kaj nigda. Em se meće novi (stari) glavni oltar sa svetin Ivanon, koga je vlaška raketa iz avijona zdrndala još u rujnu 91., em će bit berma, bermanici, kumi, mila rodbina, pa jopet narodno veselje jerbo kako bi to prošlo ugluvo? Ma nikako.
A da bi to sve bilo kako Bog zapovida, od jutra, od srede počimlje priprava za Ivanju. Biće svaki dan, tri dana, sreda, četvrtak i petak, svaki dan maša. A unda, kad narod bude pripravan, u subotu zbor. Doduše, ne će bit biškupa, ima un svoga posla, zato će doć Mile Čančar iz Korenice dicu bermat, cof na glavu i bermaj. Ma biće tote sva sila popov, red je. Jerbo je subota, da je nedilja, malo bi popov bilo, svaki ima svoju crikvicu i nediljnu mašu. Vako dobro ispalo na subotu.
M.K.