OTOČAC – Draga dico, nemojte da vać matere i ćaće smuntadu i da najdedu kojekakove izgovore zač vas jutra ne bi peljali na Dičji maskenbal. Kud je edan u godini, tudaj uni ne bi, da ne bi! Zato ne smite popušćat, morate se krivit,berdokat i bacat se po tlu i tuć rukami i nogami da vas se čuje u treću kuću, man se žalit babami i dedima i pritit se modrin telefonon dajte ji prijavit tin tamo nekvim pravobraniteljicami, zač su i kako nek vratar pogodi, al esu.
Ako van velidu da nemate robice za mačkare, vi se zabucajte u ormar, najte kakovu firunžicu, š njon preko glave, krljak na glavu i pravac Vatrogasni dom. Jerbo je Dičji maskenbal u nedilju od četire ure popodne pa koliko ki izdura.
A nejdu to bit obične mačkare, ma kakov, velidu u Turističkoj da će to bit temacki plesno-animacijski program uz mini prestavu, ča to znači nek vratar pogodi, al će bit. I unda da će bit taj nekvi DJ, pa Zumba Kic Otočac.
I unda da vas ne bi peljali, moradu vas peljat il glava iz ramena doli.
I.B.