(23.11.-21.12.)

Posal

Pred vami je jako povoljan misec. Zvezde velidu da s novci ne ćete imat problema, ča i zaslužujete, al' ne bi zvezdami bilo za verovat. Nigda se s novci niste mogli sastat, uni vajk od vas bižidu, pa bižidu, i kako unda? Još velidu da se ne razbacujete s novci, a kako ćete se razbacevat kad se nemate čin razbacevat? Još početkon miseca podmir'te sve troške ke imate da van ne isključidu struju, a unda ča ostane, a slabo će ostat, s tin unda slobodno. Ne'jte bit zadovoljni s poslon, ali neka vas to ne škrbi. Provajte se naviknut i na nepravdu, bi'će i toga. Puno toga će se rešit samo po sebi, da ni' tako, bi čovik moral poludit, el.

Ljubav

U ljubavi bi'će toga, bit. Od desetoga puno toga ne će bit u vašin rukami, već u ruka ljubavi. Neko će vrime un ili una siditi za volanon i timunat onako kako zna i more. Prepušćite se neko vrime pa'jte vidit kako je to kad van drugi gaće veže. Neki ćedu u tomu čak i uživat.

Zdravlje

Ne ćete se imat nač požalit, osin ako ča ne izmislite. Uvat'te se lopate ili kranpa i sve će bit kako treba.